विवाद ज्यन कि गृह पौडेलयात: पोखरेल
येँ (सन्ध्या टाइम्स)/एनेकपा माओवादी व एमालेया विवाद ज्यने धुंकाः जक रक्षामन्त्री विष्णु पौडेलयात गृह मन्त्रालयया जिम्मेवारी बीगु एमाले महासचिव शंकर पोखरेलं दावी यानादीगु दु ।
येँय् जूगु छगू ज्याझ्वलय् नवासें सचिव पोखरेलं गृह मन्त्रालयया निंतिं एमाले व माओवादी दथुइ जुयाच्वंगु विवादया कारणं आःयात प्रमं तयातःगु खँ धासें उगु विवाद ज्यनेवं एमालेयात हे गृह वइ धासें थुकिया निंतिं लिपा पार्टी निर्णय कथं हे पौडेलं गृहया जिम्मेवारी काइ धयादिल ।
माओवादीयात आःया अवस्थाय् गुगुं नं हालतय् गृह लिसें सुरक्षाया दृष्टिकोणं महत्वपूर्ण मन्त्रालयया जिम्मेवारी मदइगु नं वय्कलं धयादीगु दु। माओवादीं सेना समायोजनया ज्यायात इमान्दारीतापूर्वक न्ह्यःने यंकेगु स्थिति दयेकल धाःसा गृह जक मखु प्रधानमन्त्री हे दयेके फइगु नं पोखरेलं धयादीगु दु ।
