वर्तमान सरकार असफल: पौडेल
येँ (सन्ध्या टाइम्स)/वर्तमान सरकार असफल जूगु पुष्टि जुइ धुंकूगु दावी नेपाली कांग्रेस संसदीय दलया नेता रामचन्द्र पौडेलं धयादीगु दु। थनया केन्द्रीय कारागारय् दुने जूगु गोली काण्डं वर्तमान सरकार असफल जूगु वय्कलं दावी यानादीगु खः ।
थौं सुथय् सिंहदरवारय् संचारकर्मित नापं खँ ल्हासें नेता पौडेलं कारागार दुने जूगु गोली काण्डं अन्तर्राष्ट्रिय ख्यलय् नेपाः छवि स्यंगु नं वय्कलं धयादीगु दु ।
नेता पौडेलं भरतपुर क्यान्सर अस्पतालया कार्यकारी निर्देशक नियुक्तिया विषयय् ब्वलनाच्वंगु विवादयात कयाः नं चिउताः प्वंकादीगु दु ।
