संवैधानिक अदालतं संविधानया व्याख्या याइगु

प्रमुख राजनीतिक दलत दथुइ न्हूगु संविधानय् संवैधानिक अदालतया व्यवस्था यायेगु खँय् सहमत जूगु दु । थ्व सहमति लिपा आः संविधानया लिप्पांगु व्याख्या संवैधिनिक अदालतं याइ ।

संवैधानिक समिति अन्तर्गत खनेदुगु विवाद ज्यंकेगु निंतिं निस्वंगु उपसमितिया थौं च्वंगु मुँज्यां न्हूगु संविधानय् सर्वोच्च अदालत नापं संवैधानिक अदालतया नं व्यवस्था यायेगु सहमति याःगु खः ।

संवैधानिक समितिया विषयलय् नेपाली कांग्रेस व नेकपा (एमालें) असहमति प्वंकावयाच्वंगु खःसां एनेकपा (माओवादी) व मधेशवादीतय् दबाव लिपा थुगु विषयलय् सहमति जूगु खः ।

प्रधानयायाधीश संयोजक जुइगु कथं न्याम्ह दुजः दुगु संवैधानिक अदालत तयेगु सहमति दलतय्सं याःगु खः । दुजःतय् क्षेत्राधिकारया बारे धाःसा छगू समिति निस्वनाः क्वःछीगु खँ धाःगु दु ।