थनिंनिसें यलय् महोत्सव न्ह्यात

यलय् थनिंनिसें प्यन्हुन्यंक बालकुमारी - लुँहिति महोत्सव न्ह्याःगु दु । ओकुबहाल क्षेत्रया प्राचीन लिसे ऐतिहासिक मठ मन्दिर, कला, संस्कृति, धातुकला, मूर्तिकला, प्रस्तरकला, चित्रकला, नेवाः लप्टे भ्वय् व नेवाः नसाया परिकारया स्थलत, प्रत्यक्ष कार्यशैली प्रदर्शन लगायत उगु महोत्सवय् प्रदर्शनया निंतिं तयातःगु दु ।

उपप्रधान लिसे अर्थमन्त्री भरतमोहन अधिकारीं छगू ज्याझ्वःया दथुइ महोत्सवया उलेज्या यानादीगु खः । महोत्सवया उलेज्या यानादिसें वय्कलं नेवाःतय्गु परम्परा कथं इतिहासनिसें थीथी कलाकौशलय् धनी नेवाः जातिया संस्कृति, सम्पदा, रीतिथितियात संरक्षण यानातये मा:गु धयादिल ।