माधव नेपालया नां न्हूम्ह प्रधानमन्त्रीया निंतिं प्रस्ताव
नेकपा (एमाले)या वरिष्ठ नेता माधवकुमार नेपालयात न्हूम्ह प्रधानमन्त्रीया निंतिं प्रस्ताव याःगु दु ।
एमाले केन्द्रीय कमिटीया आइतवाः च्वंगु बैठकय् अध्यक्ष झलनाथ खनालं वयेकया नां प्रस्ताव याःगु खः । अध्यक्ष खनालया प्रस्तावयात केन्द्रीय कमिटीया दुजःतय्सं सर्वसम्मत रुपं पारित याःगु खः ।
एमाले नेतृत्वयात समर्थन यायेगु धयाः वयाच्वंगु कांग्रेसं प्रस्तावित प्रधानमन्त्री नेपालयात समर्थन देयेकेत आइतवाः हे राजनीतिक परामर्श न्ह्याकूगु दु । एमाले सरकारया नेतृत्वया निंतिं तयार जुइवं कांग्रेसं एमालेया पक्षय् समर्थन देयेकेत राजनीतिक परामर्श न्ह्याकूगु खः ।
कांग्रेस व एमालें सदन अवरुद्ध यानाः न्हूगु सरकार गठन प्रक्रिया मदीकेत माओवादीयात इनाप याःगु दु । माओवादीं धासाः राष्ट्रपतिया पलाः मिभंकूतल्ले सदन न्ह्याके मबीगु धासें सदन अवरुद्ध यानावयाच्वंगु दु ।
