केशरलाल श्रेष्ठयात लाकौल सिरपाः

येँ (सन्ध्या टाइम्स)/नेपालभाषा साहित्य ख्यलय् बीगु दकलय् तःधंगु धनराशीया बैकुण्ठ लाकौल सिरपाः थुगुसी केशरलाल श्रेष्ठयात बीगु जूगु दु। भाजु श्रेष्ठयात नेवाः लोकबाखंयात राष्ट्रिय अन्तर्राष्ट्रिय ख्यलय् न्यंकेगु व नेपालभाषा साहित्यया थीथी विधाय् च्वसा न्ह्याकाः थुकिया संरक्षणय् बियादीगु योगदानया लागिं थुगु सिरपाः बीत्यंगु खः। बैकुण्ठ लाकौल पुरस्कार समितिपाखें कन्हय् शुक्रवाः चेम्बर भवनय् छगू ज्याझ्वः यासें उगु सिरपाः लःल्हाइगु ग्वसाः दु। थुगुसी बीत्यंगु थ्व खुक्वःगु सिरपाः खः ।