वाफसं महोत्सवय् क्षति

थौं सुथय् आकाझाकां वःगु वाफसंयाना भ्वँतय् जुयाच्वंगु महोत्सवय् क्षति जूगु दु । मध्यमांचल महोत्सव अन्तर्गत भ्वँतया आइटी पार्कय् न्ह्यानाच्वंगु 'काभ्रे महोत्सव' वाफसंयाना थौंया महोत्सव स्थगित जूगु खः । वाफसं महोत्सवया दक्व धयाथें स्टल स्यंगु दुसा स्टलया लागिं हयातःगु ज्वलंत नं स्यंगु दु ।

वंगु फागुण २३ गतेनिसें चैत्र १ गतेतक जुइगु थुगु महोत्सवय् 'रेड बुल', 'म्याक कफि' नापं निसःगू व्यापारिक स्टलत दु । न्हि न्याद्वलं मयाक स्वकुमिपिं वयाच्वंगु थुगु महोत्सव थौंया स्थगितंयानां झिगू लखति द्याःगु खँ ग्वसा:खलकं जानकारी ब्यूगु दु ।

काभ्रे उद्योग वाणिज्य संघ, बनेपा नगरपालिका, पनौति नगरपालिका व धुलिखेल नगरपालिकाया मंकाः ग्वसालय् जुयाच्वंगु थुग महोत्सव कन्हसंनिसें हाकनं सुथांलाक्क हे न्ह्याइगु खँ धाःगु दु ।