राष्ट्रपतिया पलाःयात लसकुस यासें काग्रेसं प्रदर्शन याइगु
नेपाली कांग्रेसं राष्ट्रपति डा. रामवरण यादवया पलाःयात लसकुस यासें देयेयंक प्रदर्शन याइगु जूगु दु ।
सिंहदरवारय् च्वंगु कांग्रेसया संसदीय ज्याकूथीइ आइतवाः च्वंगु संसदीय दलया बैठकं राष्ट्रपतिं नेपाली सेनाया अभिभावकत्व व संरक्षकत्वया भूमिका म्हितुगुलिं वयेकया पलाः लसकुस याये बह जूगु ठहर यासें देयेयंक बहस न्ह्याकीगु जूगु दु ।
अथेहे प्रधानमन्त्री व माओवादी अध्यक्ष पुष्पकमल दाहाल प्रचण्डया भिडियो टेप प्रकरणं माओवादी लडाकूतय् पुनः प्रमाणीकरण यायेमाःगु आवश्यकक्त खनेदुगु ठहर नं बैठकं याःगु दु ।
माओवादीया ल्वाभ न्यायेगु रणनीति सार्वजनिक जूगु धासें कांग्रेसं उकीयात सत्ता कब्जा यायेगु रणनीति जूगु धासें दुर्भाग्यपूर्ण धाःगु दु । बैठकं माओवादी शान्ति प्रकृया प्रति गम्भीर मजूगु व सत्ता कब्जा यायेगु रणनीति कथं न्ह्याः वनाच्वंगु ठहर याःगु दु ।
न्हूगु सरकारया नेतृत्व एमालें यायेमाःगु नेतृत्वया प्रस्तावयात संसदीय दलं अनुमोदन यानाः फुसाः माओवादी सहितया राष्ट्रिय सरकार देयेकेमाःगु व अथे मजूसाः माओवादी बाहेकया सरकार देयेके माःगु निष्कर्ष पिकाःगु दु ।
