'लिबियाय् छम्ह हे नेपाःमि मंत'

येँ (सन्ध्या टाइम्स)/थौंकन्हय् झन्झन् आन्दोलन तच्वया वनाच्वंगु लिबियाय् आः छम्ह हे नेपाःमि ल्यं मदयेधुंकूगु दावी सरकारं याःगु दु। म्हिगः राजधानी त्रिपोलीइ च्वनाच्वंपिं १२८ म्ह नेपाःमितय्त राजधानी त्रिपोलीं चीकाः ट्यूनिशियापाखे यंकूगु खःसा आः अन नेपाःमित सुं हे मदुगु खँ सरकारं धाःगु दु। व्यक्तिगत रुपं वनाच्वंपिं निम्ह प्यम्ह नेपाःमि दुसां थीथी म्यान पावर कम्पनीपाखें वंपिं नेपाःमित धाःसा सुं हे मदुगु खँ धाःगु दु। उमित नेपाः हयेगु खर्च नेपाः सरकारयात चीनं बिउगु खः ।