वाम मखु राष्ट्रिय सहमतिया सरकार : पोखरेल
येँ (सन्ध्या टाइम्स)/वर्तमान सरकारय् नेपाली कांग्रेस व मधेसवादी दलत नं सहभागि जुइगु दावी एमाले महासचिव इश्वर पोखरेलं यानादीगु दु ।
थन जूगु छगू पत्रकार सम्मेलनय् एमाले महासचिव पोखरेलं वर्तमान सरकार वामपन्थीतय्गु जक मखसे राष्ट्रिय सहमतिया जूगु नं दावी यानादीगु दु। थुकिया निंतिं सरकारया नेतृत्व यानाच्वंगु एमाले तसकं लचिलो जुयाः मन्त्रालय बाँडफाँड यायेमाःगु नं वय्कलं धयादीगु दु ।
शान्ति प्रक्रियां पूर्णता काये धुंकाः लोकतान्त्रिक संविधान जारी मजूतले वाम व दक्षिणपन्थी ध्रुवीकरणया पक्षय् एमाले मवनीगु नं स्पष्ट यानादीगु दु ।
