राष्ट्रपतिं बहुमतया सरकार गठन यायेत पौ छ्वल

राष्ट्रिय सहमतिया न्हूगु सरकार गठनया निंतिं थम्हं ब्यूगु ईया दुने दलतय्सं सरकार गठन यायेमफेवं राष्ट्रपति डा. रामवरण यादवं बहुमतया आधारय् सरकार गठन यायेत आइतवाः व्यवस्थापिका संसदयात इनाप याःगु दु ।

दलतय्सं राष्ट्रपतिं ब्यूगु ईया दुने न्हूगु सरकार गठन यायेमफेवं धारा ३८ या उपधारा २ कथं व्यवस्थापिका संसदय् दुथ्यापिं दुजःतय् ल्याया बहुमतं न्हूगु सरकार गठन यायेत राष्ट्रपतिं सभामुख मार्फत संसदयात इनाप याःगु खः ।

अन्तरिम संविधानया धारा ३८ या उपधारा १ बमोजिम राष्ट्रिय सहमतिया सरकारया निंतिं दलतय्त छवाः न्ह्यः राष्ट्रपतिं ब्यूगु ई शनिवाः सिधःगु खः ।