अनमिनया पुलांम्ह प्रमुख मार्टिन नेपालय्

माओवादी जनसेनाया पुनः प्रमाणिकरण जुइमाःगु सः थ्वयाच्वंगु ईलय् अनमिनया पुलांम्ह प्रमुख इयान मार्टिन नेपाः भ्रमणय् झयादीगु दु ।

न्यान्हूयंकया नेपाः भ्रमणय् झयादिम्ह मार्टिनं थःगु भ्रमण निजी जूगु धासां जनसेना विवादय् लानाच्वंगु ईलय् वयेकया थ्व भ्रमण यात राजनीतिक ख्यलय् अर्थपूर्ण रुपं कयाच्वंगु दु ।

नेपाः थ्यनेवं अनमिनया पुलांम्ह प्रमुख मार्टिन व आःया अनमिन प्रमुख करिन लेन्डग्रेन दथुइ खँल्हाबंला जुयाच्वंगु दु । वयेकपिनि दथुइ शान्ति प्रक्रिया व प्रधानमन्त्री पुष्पकमल दाहाल प्रचण्डया लिपांगु भिडियो टेपाया बारे खँ जुयाच्वंगु सिदुगु दु ।

नेपाःया स्यना वनाच्वंगु शान्ति प्रक्रिया व राजनीतिक अन्यौल खनेदयाच्वंगुलिं मार्टिनं थःगु भ्रमण निजी धासां शान्ति प्रक्रियानाप स्वापू दुपिं मनूतय्त नापलाइगु जूगु दु ।