राष्ट्रिय सहमति मजुइकं देशं निकास दइमखु : भट्टराई

एकीकृत नेकपा (माओवादी)या न्वकु डा. बाबुराम भट्टराईं राष्ट्रिय सहमति निर्माण मजुइकं देशं निकास कायेमफइगु खँ धयादीगु दु । देय्यात निकास बिइत दलत दथुइ राष्ट्रिय सहमति जुइ हे माःगु वय्कःया धापू दु ।

बाराया सिमरा विमानस्थलय् थौं पत्रकारतलिसे खँल्हानादिसें न्वकु डा. भट्टराईं वर्तमान सरकारयात हे राष्ट्रिय सहमतिया स्वरुप बिइमाःगु बिचाः तयादिल । माओवादी लचकताया लिसे शान्ति व संविधानयात पूर्णता बिइत तयार दुगु नं वय‍्कलं धयादिल ।

सरकारयात पूर्णता बिइत माओवादी व एमाले दथुइ सहलह जुयाच्वंगु वय्कलं जानकारी नापं बियादीगु खः । माओवादीया कारण मन्त्रीपरिषद विस्तारय् लिमबाःगु स्पष्ट यानादिसें वय्कलं गृह मन्त्रालयया विवाद याकनं क्वःछिना सरकारयात पूर्णता बिइमाःगु धयादिल ।