फोरम सरकारय् ब्वति काइगु निश्चित

मधेशी जनअधिकार फोरम नेपाल सरकारय् ब्वति काइगु निश्चित जूगु दु । थःगु अवधारणापत्रय् सत्तारुढ मू दल नेकपा (एमाले) सकारात्मक खनेदुगु धासें फोरम सरकारय् वनेत्यंगु खः । न्हापा सरकारलिसे जूगु सहमतियात कःघानाः फोरमं अवधारणा पत्र तयार याःगु खः ।

अवधारणापत्रय् सहमति यायेगु संकेतलिसे एमालें म्हिगः पौ छ्वयेधुंकाः फोरम सरकारय् वनेत तयार जूगु खः । वर्तमान सरकारय् ब्वति कायेत पार्टीया अवधारणापत्रबारे सहलह यायेत खुम्ह दुजः दुगु कार्यदल नापं दयेकूगु खः । फोरम नेपाल संयुक्त लोकतान्त्रिक मधेसी मोर्चापाखें ब्यागलं जूगु खः ।