राप्रपा नेपालया ज्याझ्वः बहिस्कार
येँ (सन्ध्या टाइम्स)/संवैधानिक राजतन्त्रवादी छगू जक दल राष्ट्रिय प्रजातन्त्र पार्टी नेपालया सार्वजनिक ज्याझ्वः नापं छुं नं कथंया ज्याझ्वःयात लमजुङय् दुगु मेगु प्यंगू दलं बहिस्कार यायेगु घोषणा याःगु दु। स्थानीय एमालेया ज्याकुथी एकीकृत माओवादी, नेपाली कांग्रेस, राष्ट्रिय प्रजातन्त्र पार्टी व एमालेया स्थानीय नेतातय्गु मंकाः बैठक च्वनाः उगु कथं निर्णय याःगु खः ।
नेपाः धर्म निरपेक्ष नापं संघीय लोकतान्त्रिक गणतन्त्रात्मक देय् जुइ धुंकूगु अवस्थाय् राप्रपा नेपालं संवैधानिक राजतन्त्र व हिन्दू राष्ट्रया खँ पिकयाः समाजय् भ्रम ब्वलंकाः जनतायात झंगः लायेगु ज्या यानाच्वंगुलिं प्यंगू दलं राप्रपा नेपालया ज्याझ्वः बहिस्कार यायेगु धकाः उगु निर्णय याःगु खः ।
