संसदया बैठक च्वनाः शोक प्रस्ताव पारित याइगु
येँ (सन्ध्या टाइम्स)/व्यवस्थापिका संसदया बैठक थौं न्हिनसिया १ ताः इलय् संविधानसभा भवन न्हू बानेश्वरय् च्वनेत्यंगु दु। थौं च्वनीगु संसदया बैठकं पुलांम्ह प्रधानमन्त्री कृष्णप्रसाद भट्टराई मदुगु दुःखय् छगू शोक प्रस्ताव पारित याइ ।
संसदीय परम्परा कथं शोक प्रस्ताव पारित यायेवं मेगु विषयवस्तु वा कार्यसुचीइ सहलह मयासे बैठक स्थगित यायेगु चलन दु ।
नेपाली कांग्रेसया संस्थापक लिसें पुलांम्ह प्रधानमन्त्री कृष्णप्रसाद भट्टराई ८७ दँया वैंशय् वंगु शुक्रवाः बहनी वासः याकेगु झ्वलय् थापाथलीइ च्वंगु नर्भिक अस्पतालय् मदुगु खःसा म्हिगः वय्कःया अन्त्येष्ठि पशुपति आर्यघाटय् जूगु खः ।
