एमाले नेतृत्वया सरकारय् ब्वति कायेत दलतय्त आव्हान

नेकपा एमालें थःगु नेतृत्वय् राष्ट्रिय सरकार गठन यायेगु निर्णय याःगु दु ।

शनिवाः येँय् एमाले ज्याकू बल्खुइ च्वंगु केन्द्रीय कमिटीया बैठकं भावी सरकारया नेतृत्व एमालें यायेमाःगु व उगु सरकारय् ब्वति कायेत माओवादी, कांग्रेस, फोरम लगायत दलतय्त आव्हान याःगु दु ।

एमालें सरकार गठनया निंतिं मेमेगु दलत नाप वार्ता यायेत अध्यक्ष झलनाथ खनालया संयोजकत्वय् वरिष्ठ नेता माधवकुमार नेपाल, उपाध्यक्ष अशोक राई, विद्या भण्डारी लगायत नेतात दुथ्याःगु गुम्ह दुजः दुगु वार्ता समिति नं गठन याःगु दु ।

एमाले केन्द्रीय कमिटीया बैठक आइतवाः हाकनं च्वनीगु जूगु दु ।