मेसिन रिडेवल नम्बर प्लेटय् अख्तियारया पौ

सवारी साधनय् स्मार्ट कार्ड लिसे मेसिन रिडेबल नम्वर प्लेट तयेगु विषयलय् पिहांवःगु बोलपत्रय् न्ह्यथनातःगु स्पेसिफिकेसन गलत रुपय् तयातःगु धासें अख्तियारं कानून मिचय् मयाःसे ज्याया प्रकृया न्ह्यःने न्ह्याकेत श्रम लिसे यातायात व्यवस्था मन्त्रालययात निर्देशन ब्यूगु दु । बोलपत्रया विशिष्टीकरण तयार यायेबलय् अनियमितता जूगु धइगु विषयलय् छानविन यानाः आयोगं थज्याःगु निर्देशन ब्यूगु सहायक प्रवक्ता केशवप्रसाद घिमिरें जानकारी बियादिल ।

छानबिन यायेबलय् उगु ज्याय् खरिद सम्वन्धी विशिष्टीकरण तयारी, समितिया गठन व कार्य प्रकृया बजेट सम्वन्धी नापं सार्वजनिक खरिद ऐन २०६३ या दफा ३ या उपदफा १, २ कथं प्रकृया व कार्यविधिकथं खनेमदुगुलिं कानूनी व्यवस्था पूर्णरुपं पालना यानाः कार्यान्वयन यायेत याकेत आयोगं मन्त्रालययात पौ छ्वःगु दु ।