न्यायिक क्षेत्रय् राजनीतिकरण दुर्भाग्यपूर्ण : रायमाझी
नकतिनि नियुक्त जुयादिम्ह प्रधानन्यायाधीस मीनबहादुर रायमाझीं न्यायिक क्षेत्रय् राजनीतिकरण यायेत स्वःगु कुतः दुर्भाग्यपूर्ण जूगु खँ धयादीगु दु ।
कानुन दिवसय लसताय् येँय् याःगु छगू ज्याझ्वलय् न्ववानादिसें प्रधानन्यायाधीस रायमाझीं न्यायिक क्षेत्रयात अभाव प्रभाव व दवाव मुक्त यायेमाः धयादिल ।
न्यायकर्मीतय् अवस्था तसकं संवेदनशील जूगुलि चिन्त प्वंकादिसें प्रधानन्यायाधीश रायमाझीं थः अनुकूलया निर्णयया निंतिं न्यायकर्मीयात दवाव बीगु ज्या अप्वःगु खँ धयादीगु दु । छुं नं राजनीतिक शक्तितय्सं सीमा स्वयां पिने वनाःराजनीतिक आस्थाया आधारय् न्यायिक क्षेत्रयात थः अनुकुल व्याख्य मयायेत वयेकलं इनाप यानादिल । वयेकलं थः अनुकुलया निर्णयया निंतिं न्यायिक क्षेत्रयात दवाव बीगु न्यायिक स्वतन्त्रता विरुद्ध जूगु धयादिल ।
ज्याझ्वलय् सर्वोच्च अदालतया वरिष्ठ न्यायाधीश अनुपराज शर्मा, रजिष्ट्रर डा रमाकृष्ण तिमल्सेना लगायत न्यायाधीसतय्सं नं न्ववानादीगु खः ।
