नेपालभाषा मंकाः खलः यलया सहलह
यल (सन्ध्या टाइम्स)/नेपालभाषा मंकाः खलः यलया भावी ज्याझ्फ्वः व मंकाः खलकं यायेमाःगु ज्याखँया बारे म्हिगः मंकाः दबूछेँय् नायः किरण शाक्यया सभापतित्वय् सहलह मुँज्या जुल। उगु सहलहय् मंकाः खलःया पुलापिं नायःपिं डा. पुष्पराज राजकर्णिकार, शंकर बहादुर मल्ल, भुवनेश्वर जोशी व जुलुमलाल चित्रकार व वर्तमान सल्लाहकार कृष्णलाल महर्जन, सभासद रामकृष्ण चित्रकार, सुचित्रमान शाक्य व शाक्य सुरेनपिंस मंकाः खलकं यायेमाःगु ज्याखँया बारे सल्लाह व सुझाव बियादीगु खः ।
नेवाः राज्य प्राप्तीया निंतिं जेठ १४ दुने थीथी ज्याझ्वः न्ह्याकेमाःगु व आन्दोलनय् वनेमाःगु खँय् अप्वःसिनं बः बिउगु खः। नापं भाषा साहित्यया ज्याझ्वः नं म्होतिं छगू छगू जुइमाःगु खँ मुँज्याय् वःगु खः ।
