सुगतरत्नया मुद्दा लित कायेत सरकारयात माग
येँ (सन्ध्या टाइम्स)/नेपाल वायुसेवा निगमया निलम्बित कार्यकारी अध्यक्ष सुगतरत्न कंसाकारयात जेल चलान याःगु विरोधय् संघर्ष यायेत नेवाः जागरण मञ्चया संयोजक सुजीव बज्राचार्यया संयोजकत्वय् 'न्यायया नितिं नागरिक संघर्ष समिति' गठन याःगु दु। उकी नेवाः सभासद्पिं दिलीप महर्जन, बुद्ध साय्मि, तिर्थराम डंगोल नापं नेवाः न्ह्यलुवा, नेवानिया कर्मचारी, पर्यटन व्यवसायी मल्ल के. सुन्दर, अनाररत्न बज्राचार्य, भाष्करराज राजकर्णिकार, कृष्ण अर्याल आदिपिं नापं ३० म्ह दुजः दुथ्याः ।
संघर्ष समितिपाखें थौं रिपोर्टर्स क्लबय् छगू पत्रकार नं यात। पत्रकार सम्मेलनय् न्ववासें नेकां सभासद् तिर्थराम डंगोल व एमालेया केन्द्रीय दुजः कृष्णगोपाल श्रेष्ठं सरकारं भाजु कंसाकारया मुद्दा हे लित कायेमाः धकाः माग यानादिल। संघर्ष समितिया संयोजक सुजीव बज्राचार्यं प्रेस विज्ञप्ति ब्वनादीगु उगु ज्याझ्वलय् दुजःपिं सभासद् दिलीप महर्जन, मल्ल के. सुन्दरपिंसं कंसाकारं सरकारया स्वीकृति कयाः हे देशया हित यायेगु लागिं निगमया जहाज न्यायेगु प्रक्रिया न्ह्याकूगु खः धयादिल ।
