सरकारयात पूर्णता कायेगुपाखें सुनानं पने फइमखु: प्रम
येँ (सन्ध्या टाइम्स)/प्रधानमन्त्री झलनाथ खनालं वर्तमान सरकारयात पूर्णता बीगुपाखें धर्तीया सुं नं शक्तिं पने मफइगु खँ धयादीगु दु। 'जनइच्छा कथं सरकारं पूर्णता कायेमाःगु आवश्यक' जूगु धासें वय्कलं सरकारं पूर्णता काइगु खँय् छुं हे शक्ति न्ह्यःचिउसां पने मफइगु खँ धयादीगु खः ।
प्रम खनालं वर्तमान सरकारं शान्ति प्रक्रिया व संविधान निर्माणयात निष्कर्षय् थ्यंकाः हे त्वःतीगु नं दावी यानादीगु दु। सरकारं दक्वसिगु भावना कः घाइगु न्हूगु संविधान निर्माण यानाः शान्ति प्रक्रियायात निष्कर्षय् थ्यंकीगु नं धयादीगु दु ।
