सुगतरत्न कंसाकारयात त्वःतल

नेपाल वायु सेवा निगमया निलम्बित कार्यकारी अध्यक्ष सुगतरत्न कंसाकारयात जमानतय् त्वःतुगु दु । प्राइम कमर्सियल बैंकं ६ करोड ध्यकाः बैंकय् ग्यारेन्टी बीवं वय्कःयात शुक्रवाः हे त्वःतुगु खः । कंसाकारयात एयर बस न्यायेगु झ्वलय् भ्रष्टाचार याःगु धासें विशेष अदालतं ६ करोड धरौटी फ्वंगु खः । ६ करोड ध्यबाः धरौटी पुलेमफेवं वय्कःयात आइतवाः सदरखोर डिल्लीबजारय् जेल चालन याःगु खः ।

थ्वहे झ्वलय् फ्रान्सेली कम्पनी एयर बसं जाहज न्यायेत नेपाल वायु सेवा निगमं ब्यूगु बैना लितब्यूगु दु । एयर बसं शुक्रवाः हिमालयन बैंकया ००३००४००६३३००४८ नम्बरया खातातय् बैना रकम बापत ७ लख ५० हजार ९९२ अमेरिकी डलर लितछ्वःगु खः ।