मंकाः खलः यलया सहलह ज्याझ्वः

नेपालभाषा मंकाः खलः, यलया भावि ज्याझ्व: व मंकाः खलकं यायेमाःगु ज्याखँया बारे म्हिगः मंकाः दबूछेँ छगू सहलह ज्याझ्वः जुल । मंकाः खलःया नाय: भाजु किरण शाक्या नाय:सुइ जूगु उगु सहलह ज्याझ्वलय् मंकाः खलःया पुलापिं नायः भाजुपिं डा. पुष्पराज राजकर्णिकार, शंकर बहादुर मल्ल, भुवनेश्वर जोशी व जुलुमलाल चित्रकार व वर्तमान सल्लाहकार कृष्णलाल महर्जन, सभासद् रामकृष्ण चित्रकार, सुचित्रमान शाक्य व शाक्य सुरेनपिंसं मंकाः खलकं न्ह्याकेमाःगु ज्याखँया बारे सल्लाह व सुझाव बियादीगु खः ।

नेवाः राज्य प्राप्तीया निंतिं जेष्ठ १४ दुने थीथी ज्याझ्व: न्ह्याकेमाःगु व आन्दोलनय् वनेमाःगु खँय् अप्वःसिनं बः बियादीगु खःसा भाषा साहित्यया ज्याझ्व: नं म्होतिं छगू छगू जुइमा:गु खँ ब्वतिकयादीपिंसं धयादीगु खः ।