कंसाकारया पक्षय् संघर्ष यायेत समिति गठन
नेपाल वायु सेवा निगमया निलम्बित कार्यकारी अध्यक्ष सुगतरत्न कंसकारया पक्षय् न्यायिक नापं सतक संघर्ष यायेत जनस्तरं छगू समिति निस्वंगु दु ।
नेवाः जागरण मञ्चया अगुवाइलय् थौं येँया क्षेत्रपाटी पार्टी प्यालेसय् जूगु छगू मुँज्या मञ्चया कजि सुजीव बज्राचार्यया नायःसुइ 'न्यायका लागि नागरिक संघर्ष समिति' निस्वंगु खः । उगु संघर्ष समितिइ नेवाः सभासद्त तिर्थराम डंगोल, दिलिप महर्जन, मंगलसिद्धि मानन्धर व बुद्ध साय्मि च्वनादीगु दु ।
अथेहे समितिलय् उदाय् समाज, कसाः तःधं गुठी, पर्यटन दँ २०११ समिति, पर्यटन व्यवसायी संघ, भोटाहिटी बजार व्यवस्था समिति, गंगा क्लब, क्षेत्रपाटी क्लब, स्टार क्लब नापं नेवाः आन्दोलनया न्ह्यलुवात मल्ल के. सुन्दर, पवित्र बज्राचार्य, कृष्णगोपाल श्रेष्ठ लगायत दुजः कथं च्वनादीगु दु ।
संघर्ष समितिं छु गज्याःगु संघर्षया ज्याझ्वः यायेगु धइगु बारे कन्हय् ११:०० रिपोटर्स क्लबय् छगू पत्रकार सम्मेलन यानाः जानकारी बीगु जूगु दु ।
Related Stories
कंसाकार विरुद्धया मुद्दा षड्यन्त्रमूलक : जागरण मञ्च कंसाकार जेल चलान कंसाकारयात कारवाही विरुद्ध नेवाःत सतकय् सुगतरत्नया समर्थनय् जुलुस कंसाकार विरुद्धया कारवाही खारेज यायेत नेवाःतय् माग 'कंसाकार प्रकरण इमान्दार नागरिकत प्रति जूगु षड्यन्त्र' फ्रान्सया एयरवस कम्पनीं बैना लितबिल नागरिक संघर्ष समितिपाखें सुगतरत्न कंसाकारयात हनMore Stories Like this
मेरिल्याण्डय् लाखय् व पुलुकिसिलिसे हन येँयाः स्यस्यः समाजं सत्यमोहन जोशीयात हन मूलयात ग्वाहालि लःल्हात मेहेन्दी च्वयेगु कासा जुइगु मचातयत मां भाय् स्यनेगु संस्था नीस्वन
