महराया नेतृत्वय् माओवादीया ११म्ह दुजः सरकारय् वनीगु

नेकपा (एमाले)या नायः झलनाथ खनाल प्रधानमन्त्री जूगु झण्डै लच्छि लिपा एकीकृत नेकपा (माओवादीं) सरकारय् वनीगु निर्णय याःगु दु ।

गृह मन्त्रालय बारे विवाद जुयाः प्रधानमन्त्री ल्यःगु लच्छि तक नं मन्त्रिमण्डलं पूर्णता कायेमफुगु इलय् थौं च्वंगु माओवादी स्थायी समिति मुँज्यां विदेश विभाग प्रमुख कृष्णबहादुर महराया नेतृत्वय् पार्टी सरकारय् वनीगु निर्णय याःगु खः ।

मुँज्यां गृह मन्त्रालय मब्यूसां महराया नेतृत्वय् वर्षमान पुन 'अनन्त', टोपबहादुर रायमाझी नापं झिंछम्ह दुजः सरकारय् छ्वयेगु निर्णय याःगु खः ।