नेपालभाषा प्रगतिवादी चिनाखँ गोष्ठी
यल (सन्ध्या टाइम्स)/नेपालभाषाया प्रगतिवादी चिनाखँ गोष्ठी नेपालभाषा मंका खलः यलया हलय् जुल। अखिल नेपाल लेखक संघ, यलया ग्वसालय् जूगु उगु प्रगतिशील कविता गोष्ठीइ मंगल नारायण जोशी, प्रकाश बज्राचार्य, तुयु पुं, चन्द्र महर्जन, नरेश शाक्य, शाक्य सुरेन, भावना पुं, जुलुमलाल चित्रकार, राजेश बज्राचार्य, अगिब बनेपाली आदिपिंसं कविता न्यंकादीगु खः। गोष्ठीइ विशेष पाहां माओवादी सभासद दिलीप महर्जनं नेवाःतय्के अझ नं दास मानसिकता दयाच्वंगुलिं उकियात न्हंकाः न्हूगु ढंगं न्ह्याः वनेमाःगु अले थ्व जिम्मेवारी कविपिनिगु नं खः धासें साहित्यया उपादेयता न्ह्यथनादिल। व्याकरणविद् सुन्दरकृष्ण जोशीया सभापतित्वय् जूगु उगु कविता गोष्ठीइ नेवाः जनसांस्कृतिक मंकाः गुथिया कलाकारपिंसं म्येँ हालाः लसकुस याःगु खः ।
