एमालेया निर्णायक वार्ता असफल

मन्त्रिमण्डल विस्तारया बारे एकीकृत नेकपा (माओवादी) व नेकपा (एमाले) दथुइ जूगु वार्ता असफल जूगु दु । एमाले स्थायी कमिटीं माओवादीनाप सरकार निर्माणया बारे निर्णायक वार्ता यायेगु क्वःछिउगु खः । एमाले धाः कथं जूगु निर्णायक वार्ता नं विफल जुइवं मन्त्रिमण्डल विस्तार झन् अन्यौलय् लाःगु दु ।

थौं निगू दलत दथुइ जूगु वार्ताय् निगूलिं दलं थःथःगु अडानयात हानं लिसाः कायेवं वार्ता निष्कर्षविहीन जूगु खः । माओवादीं निगू दल दथुइ जूगु सहमति कथं थःगु पार्टीयात गृह मन्त्रालय बीमाःगु धाःसां एमाले तत्काल माओवादीयात गृह मन्त्रालय बीमफइगु लिसः ब्यूगु खः ।