भारतीय राजदुत सुदयात हाकूगु ध्वाँय्

एकीकृत नेकपा (माओवादी)या कार्यकर्तातय्सं नेपाःया निंतिं भारतीय राजदुत राकेश सुदयात हानं हाकूगु ध्वाँय् क्यंगु दु ।

राष्ट्रिय स्वाधिनताया नारा थ्वयेकाः आन्दोलनय् कुहांवःगु इलय् व्यापक रुपं हाकूगु ध्वाँय् क्यंगु माओवादी कार्यकतातय्सं थौं हानं राजदुत सुदयात हाकूगु ध्वाँय् क्यंगु खः । कार्यकर्तातय्सं सीमा अतिक्रमण बन्द याः, भारतीय हस्तक्षेप बन्द याः धइगु नारा थ्वयेकाः राजदुत सुदयात भोजपुरया दिक्तेल बजारय् ध्वाँय् क्यंगु खः ।

भारतीय ग्वाहालिइ निर्माण जुइत्यंगु अस्पतालया उलेज्या यायेत दिङ्लाय् वनेत्यंम्ह राजदुत सुदयात माओवादी कार्यकर्तातय्सं हाकूगु ध्वाँय् क्यंगु खः ।