संयोजकय् प्रचण्ड

येँ (सन्ध्या टाइम्स)/संविधान निर्माणया झ्वलय् विवाद जुयाच्वंगु विषय ज्यंकेत संवैधानिक समिति अन्तर्गतया उपसमितिया संयोजकय् प्रचण्डयात ल्यःगु दु। थौं च्वंगु बैठकं संयोजक ल्ययेगु नापनापं माओवादीपाखें देव गुरुङ व खिमलाल देवकोटा, कांग्रेसपाखें विमलेन्द्र निधि व राधेश्याम अधिकारी, एमालेपाखें सुरेन्द्र पाण्डे व अग्नी खरेलयात ग्वाहालि दुजः कथं ल्यःगु दु। अथे हे फोरमया अध्यक्ष उपेन्द्र यादव व राष्ट्रिय जनशक्ति पाटीया नेता डा. प्रकाशचन्द्र लोहनीयात आमन्त्रित सदस्य कथं ल्यःगु दु ।