थौं एमाले-माओवादी निर्णायक वार्ता
येँ (सन्ध्या टाइम्स)/नेकपा (एमालें) थौं एनेकपा (माओवादी) नापं निर्णायक वार्ता याइगु जूगु दु। थौं जुइगु निर्णायक वार्ता स्वयां न्ह्यः वर्तमान मन्त्रिपरिषद् विस्तार बारे माओवादी व एमालेया शीर्ष नेतातय् दथुइ प्रधानमन्त्री निवास बालुवाटारय् सहलह जूगु खः ।
माओवादी अध्यक्ष पुष्पकमल दाहाल 'प्रचण्ड' व एमाले अध्यक्ष नापं प्रधानमन्त्री झलनाथ खनाल दथुइ सहलह जूगु खः। मन्त्रिपरिषद् विस्तार बारे थौं जुइगु'निर्णायक वार्ता स्वयां न्ह्यः नेतात सहलहय् व्यस्त जुयादीगु खः ।
माओवादी व एमाले अध्यक्ष दथुइ जूगु न्हय्गू बुँदाया सहमति कार्यान्वयन यायेगु खँय् विवाद पिहां वयेवं लछि दु मदु ई थ्यंने धुंकूसां खनाल नेतृत्वया सरकारं पूर्णता काये फयाच्वंगु मदु ।
