एमाले स्थायी समितिय बैठक न्ह्यानाच्वन
येँ (सन्ध्या टाइम्स)/नेकपा (एमाले) स्थायी समितिया बैठक सिंहदरवारय् न्ह्यानाच्वंगु दु। वर्तमान मन्त्रिपरिषद् विस्तार यायेत जुयाच्वंगु एमाले स्थायी समितिया बैठक संसदीय दलया ज्याकू सिंहदरवारय् च्वंच्वंगु खः। बैठकय् एमालें मन्त्रिपरिषद् विस्तारया निंतिं थीथी दलत लिसें याःगु वार्ताया नं समिक्षा याइ।
एमालें थःगु नेतृत्वया सरकारय् सहभागि जुइपिं दलत नापं वार्ता यानाः मन्त्रालय बाँडफाँड यायेत पार्टी अध्यक्ष नापं प्रधानमन्त्री खनालया लिसें वरिष्ट नेता माधव नेपाल, नेता केपी ओली व महासचिव इश्वर पोखरेल सहितया छगू वार्तौ पुचः गठन याःगु दु ।
सचिव युवराज ज्ञवालीं माओवादी नापं वार्ता यानाः जक मन्त्रितय् विषय अन्तिम निर्णय यायेगु जानकारी बिउगु दु ।
