संयोजक क्वःछी मफुत
येँ (सन्ध्या टाइम्स)/संविधान च्वयेगु झ्वलय् विवादित विषययात ज्यंकेत शीर्ष नेता सहितया थौं च्वंगु न्हापांगु संवैधानिक समितिया अन्तर्गतया ृउपसमितिया न्हापांगु बैठकं संयोजक ल्ययेत असफल जूगु दु। संविधान च्वयेगु झ्वलय् विवादित विषय समाधान यायेत विज्ञतय्गु सल्लाह सुझाव कायेगु धाःसा क्वःछिउगु दु ।
संविधानसभा सचिवालयय सिंहदरवारय् च्वंगु बैठक उपसमितिइ कांग्रेसया दुजः रामचन्द्र पौडेल अनुपस्थित जुइवं संयोजक क्वःछी मफुगु खःसा थौंया न्हापांगु बैठकं आवश्यक जुल धाःसा विज्ञतय् सुझाव कायेगु निर्णय याःगु खः ।
थौंया बैठकं संयोजक क्वःछी मफुसां माओवादी अध्यक्ष पुष्पकमल दाहाल 'प्रचण्ड'यात हे संयोजक दयेकेगु सम्भावनां ब्वलंगु दु ।
