प्रतापपुर चकंछि पियाः अध्ययन याइगु

येँ (सन्ध्या टाइम्स)/वंगु निवाः न्ह्यः मलखं कयाः क्षतिग्रस्त जूगु स्वयम्भुया प्रतापपुर देगः आः गजूनिसें क्वय् चकंछि ति (२० फिट) पियाः अध्ययन याइगु जूगु दु। उकिया निंतिं म्हिगः खः ग्वयेगु ज्या शुरु याःगु दुसा छवाः लिपा पीगु ज्या नं शुरु जुइ धाःगु दु। देगःया लुखा चायेके मजिउगुलिं च्वंनिसें पियाः अध्ययन यायेत्यंगु खः। थ्व अध्ययनपाखें देगः स्यंथाय् जक दयेकूसां गाइगु खः वा पूवंक हे थुनाः दयेके मालीगु खः धइगु खँ क्वःछीगु खँ धाःगु दु। पुरातत्व विभागपाखें ई. नारायण बोहराया नेतृत्वय् अध्ययन पुचः दयेकाः थ्व ज्या न्ह्याकूगु खः। उगु देगः २० फिट जक पीत हे निवाः काइगु खँ धाःगु दु ।