माओवादी बैठक स्थगित
येँ (सन्ध्या टाइम्स)/एनेकपा (माओवादी) स्थायी समितिया बैठक न्हिनसिया ३ ताः ई तकया निंतिं स्थगित जूगु दु। नेकपा (एमाले) नापं सहलह यायेगु निंतिं बैठक न्हिनसिया तकया निंतिं लिछ्याःगु खः ।
थ्व स्वयां न्ह्यः म्हिगः विहीवाः च्वनेगु धयातःगु स्थायी समितिया बैठक तयारी मगाःगु धासें थौं सुथसिया ११ ताः इलय् च्वनेगु क्वःछिनातःगु खः ।
अथे हे सभामुख सुभाष नेम्वाङया सिंहदरबारस्थित ज्याकुथिइ थौं हे सुथय् च्वंगु माओवादी व एमालेया शीर्ष नेतातय् बैठक विना निष्कर्ष क्वचाःगु दु। निगू दलया दथुइ जूगु न्हय्गू बुँदाया सहमतियात एमालें अक्षरश कार्यान्वयन यायेगु अनेतने खँ हयाच्वंगु दुसा वर्तमान सरकारं नं पूर्णता काये फयाच्वंगु मदुनि ।
