न्हूम्ह लोकेश्वर पलिस्था

येँ (सन्ध्या टाइम्स)/थनया यट्खा बहाः दुने न्हूम्ह लोकेश्वर पलिस्था यात। २०४४ सालय् अन च्वंम्ह द्यः खुया यंकूगु खःसा आः न्हूम्ह द्यः दयेकाः पलिस्था याःगु खः। यट्खाबाहाः कंग अजिमा खःया दुजःपिं बाबुराजा, राजु, राजकृष्ण महर्जनपिंसं ३० इंच तःधिकःम्ह उम्ह सिँयाम्ह द्यः दयेकाः थौं अन पलिस्था याःगु खः। यँयाःजःछि थ्व द्यः अनया हे बालगोपाल भजन फल्चाय् ब्वयेमाः। वय्कःपिंसं हे म्हिगः कंगय् न्हूम्ह धरतीमाताया मूर्ति नं पलिस्था यानादीगु दु ।