शिवरात्री मेलाया तयारी पूवन

पशुपति क्षेत्र विकास कोषं थुगु दँया महाशिवरात्री मेलाया फुक्क तयारी पूवनेधुंकूगु जानकारी ब्यूगु दु । कोषं थौं छगू पत्रकार सम्मेलन यानाः मेलायात ब्यवस्थित यायेत माःगु फुक्क तयारी पूवनेधुंकूगु जानकारी ब्यूगु खः । पत्रकार सम्मेलनय् कोषया पदाधिकारीं शिवरात्रीइ पशुपति दर्शन यायेत वइपिं भक्तजनतय्त न्हापाया दँय् स्वयाः तसकं अःपुक्क दर्शन यायेगु व्यवस्था मिलय् यानाःगु जानकारी ब्यूगु दु ।

पशुपति दर्शनया नितिं स्वनिगलं पिनेपाखें वइपिं भक्तजनतय्त म्वःल्हुइत थप नीनिगू अस्थायी धारा नापं पशुपति परिसरय् तइगु जानकारी पत्रकार सम्मेलनय् ब्यूगु खः । हरेक दँ फागुन कृष्ण चतुर्दशीया दिं हनीगु शिवरात्री थुगु दँ थ्वहे फागुन १८ गते लाःगु दु ।