भ्रष्टाचार विरुद्धया संयुक्त राष्ट्रसंघीय महासन्धि अनुमोदन

व्यवस्थापिका संसदं 'भ्रष्टाचार विरुद्धया संयुक्त राष्ट्रसंघीय महासन्धि' अनुमोदन याःगु दु । महासन्धिइ नेपालं ल्हाःचिं तःगु च्यादँलिपा संसद बैठकं सर्वसम्मतिं थौं पारित याःगु खः । वंगु आइतबाः च्वंगु संसद बैठकय् विनाविभागीय मन्त्री विष्णु पौडेलं 'भ्रष्टाचार विरुद्धया संयुक्त राष्ट्रसंघीय महासन्धि' दथुइ सामान्य सहलह यायेमा धकाः प्रस्ताव न्ह्यब्वःगु खः ।

नेपालं 'भ्रष्टाचार विरुद्धया संयुक्त राष्ट्रसंघीय महासन्धि' च्यादँ न्ह्यः सन् २००३ य् ल्हाःचिं यायेधुंकूसां नं सदनपाखें अनुमोदन जुइमफूगु खः । संसद बैठकय् बिचाः तसें सभासद्तय्सं महासन्धि व्यवहारय् लागू जुइमाःगुलिइ जोड ब्यूगु दु । उमिसं देय्या दकले तःधंगु समस्या भ्रष्टाचार नियन्त्रणय् सरकारया ध्यानाकर्षण याःगु खः ।