एमाले केन्द्रीय समितिं न्हय्गू बुँदे सहमति पारित

नेकपा (एमाले)या केन्द्रीय समितिया मुँज्यां एनेकपा (माओवादी) व थःगु पार्टीया नायः दथुइ जूगु न्हय्गू बुँदे सहमतियात पारित याःगु दु ।

वंगु माघ २० गते निगू पार्टी दथुइ जूगु सहमतियात एमालें थः अनुकुल व्याख्या यासें थौं च्वंगु केन्द्रीय समितिया मुँज्यां पारित याःगु खः । मुँज्यां न्हय्गू बुँदे सहमतियात परिमार्जन सहित पारित याइगु धाःसां मुँज्यां सहमतियात थः अनुकुल व्याख्या यासें छुं परिमार्जन बिना पारित याःगु दु ।

मुँज्यां सहमतिया मूल मर्म शान्ति व संविधानयात पूर्णत बीगु व राष्ट्रिय स्वाधिनताया रक्षा यायेगु जूगु ठहर यासें उकियात सहमति बिना हे पारित याःगु खः ।

अथेहे मुँज्यां मन्त्रालय बाँडफाँट यायेगु जिम्मा स्थायी समितियात ब्यूगु दु ।