थौ विद्युत प्राधिकरणय् नेवाः मिस्तय् धर्ना
येँ (सन्ध्या टाइम्स)/बहनी ७ निसें १० बजे तक लोडशेडिङ्ग याये दइ मखु धइगु माग यासें थौं स्वनिगःया नेवाः मिस्तय्सं विद्युत प्राधिकरणय् धर्ना च्वनाः ज्ञापनपत्र बीत्यंगु दु। नेवाः मिसा पुचःया ग्वसालय् थौं ११ बजेनिसें उगु धर्ना बीत्यनागु खँ पुचःया नकिं सोनी महर्जनं कनादीगु दु। ज्ञापनपत्रय् बहनी ७ निसें १० बजे तक मुख्य रुपं छेँज्या यायेमाःगु जूगुलिं उगु इलय् मत स्याये मदइगु व न्हिं १४ घण्टा लोडशेडिङ्ग जुइगु इलय् विद्युतया न्युनतम शुल्क क्वपाले माःगु खँ न्ह्यथनातःगु दु ।
