सहमति परिमार्जन मखु, खारेज जुइमाः : कोइराला
येँ (सन्ध्या टाइम्स)/नेपाली कांग्रेसया सभापति सुशील कोइरालां माओवादी व एमाले दथुइ जूगु न्हय्गू बुँया सहमति परिमार्जन मखसे खारेज हे जुइगु खँ धयादीगु दु ।
कपिलवस्तुया तौलिहवाय् जागरण अभियानया झ्वलय् सभापति कोइरालां न्हय्गू बुँदाया सहमति परिमार्जनया प्रस्तावयासें थुकिया निंतिं एमालें गृहकार्य न्ह्याकाच्वंगु इलय् सहमति खारेज जुइमाःगु खँ धयादीगु खः ।
कोइरालां सहमति परिमार्जन मखु, खारेज हे जुइमाः धासें थुकियात याकनं खारेज यानाः याकनं वार्ता, सहकार्य व एकता कायम यायेत कांग्रेस तयार दुगु नं धयादीगु दु ।
वय्कलं एमाले व माओवादी दथुइ जूगु सहमति अन्तरिम संविधानया मर्म व भावना अःखः जूगु नं दावी यानादीगु दु। गोप्य सहमतिं न्हूगु संविधान निर्माण जुइ मफइगु धासें लोकतन्त्रय् गोप्य सहमति व सम्झौतां दलतय् दथुया स्वापू तापाकीगु नं कोइरालां धयादीगु दु ।
