वृहत मोर्चा दयेकेत थापाया सक्रियता
येँ (सन्ध्या टाइम्स)/नेकपा (एमाले) व एनेकपा (माओवादी अध्यक्ष दथुइ जूगु सम्झौता वाम ध्रुवीकरण जूगु धासें पुलांम्ह प्रधानमन्त्री नावं राष्ट्रिय जनशक्ति पार्टीया नायः सूर्यबहादुर थापां 'बृहत लोकतान्त्रिक मोर्चा' दयेकेगु निंतिं थःगु पहलं कुतः न्ह्याकेगु झ्वलय् तीव्र रुपं राजनीतिक परामर्श न्ह्याकूगु दु ।
एमाले व माओवादी अध्यक्ष दथुइ जूगु न्हय्गू बुँदाया सहमतियात नेपाली कांग्रेस लगायतया झिंप्यंगू दलं वाम ध्रुवीकरण जूगु निष्कर्ष पिकयाच्वंगु इलय् थापां नं मोर्चा निर्माणया निंतिं थःगु हे निवासय् नेतातय्त सःता ब्यलि भ्वय् यासें सहलह ब्याकूगु खः। राजपा अध्यक्ष थापां कांग्रेस सभापति सुशील कोइराला, वरिष्ट नेता शेरबहादुर देउवा व संसदीय दलया नेता रामचन्द्र पौडेल लगायतयापिं नेतात लिसें बिस्कं बिस्कं सहलह ब्याकादीगु खः ।
थःपिनिगु प्रस्ताव कांग्रेसया नेतृत्वय् वृहत् मोर्चा निर्माण यायेगु खः धासें फत्तले मोर्चाया नेतृत्वया निंतिं कांग्रेसयात हे न्ह्यःने हयेगु यदि कांग्रेसं थुकियात स्वीकार मयात धाःसा अध्यक्ष थापां हे थुकियात नेतृत्व बीगु योजना दुगु राजपाया छम्ह नेतां जानकारी बिउगु दु।
एमाले व माओवादी गठबन्धनया विरोधय् राजपां मधेसवादी दलत नापं नं सहलह ब्याकाच्वंगु दु ।
