जनजाति महासंघं संविधान निर्माण मजुतले आन्दोलन याइगु

नेपाल आदिवासी जनजाति महासंघं न्हूगु संविधान निर्माण मजुतले संविधानसभायात दबाव बीगु कथं आन्दोलन याइगु जूगु दु ।

महासंघं ग्वसाःग्वःगु आदिवासी जनजातितय् राष्ट्रिय सम्मेलनया समापन सभाय् मंगलवाः महासंघं संविधान निर्माण मजुतले सशक्त खबरदारी आन्दोलन यायेगु निर्णय याःगु खः । महासंघं वइगु जेठ १४ गते दुने न्हूगु संविधान निर्माण जुइमाः माग यासें आन्दोलन घोषणा याःगु खँ धाःगु दु ।

खुइच्यागू जिल्लाया स्वद्वः स्वयां अप्व प्रतिनिधितय्सं ब्वति काःगु सम्मेलनं न्हूगु संविधानय् स्वायत्त प्रदेश निर्माणय् आदिवासी, अल्पसंख्यकतय् अधिकार सुनिश्चित जुइमाःगु माग नं याःगु दु ।