पार्टीया बिचाः कथं एमालें न्हय्गू बुँदा परिमार्जन याइगु
निगू तःधंगु वाम दलत दथुइ जूगु न्हय्गू बुँदे सहमतियात नेकपा (एमालें) पार्टीया बिचाः कथं परिमार्जन यायेगु निर्णय याःगु दु ।
वंगु माघ २० गते एनेकपा (माओवादी) व नेकपा (एमाले)या नायः दथुइ जूगु न्हय्गू बुँदे सहमतिया बारे सहलह यायेत थौं च्वंगु एमालेया पोलिटब्यूरो मुँज्यां परिमार्जन सहमित न्हय्गू बुँदे सहमतियात केन्द्रीय कमिटिलय् यंकेगु प्रस्ताव पारित याःगु खः । परिमार्जन सहमतिया सहमतिया बारे आः न्हय् च्वनीगु केन्द्रीय कमिटिया मुँज्याय् सहलह जुइ ।
पोलिटब्यूरो मुँज्याय् एमाले नेतात माधवकुमार नेपाल व केपी शर्मा ओलीं सहमतियात थः अनुकुल परिमार्जन यायेत दवाब बीवं परिमार्जन सहित न्हय्गू बुँदे सहमति पारित यायेत एमाले बाध्य जूगु खः ।
सीदु कथं न्हय्गू बुँदे सहमतिलय् गृह मन्त्रालय माओवादीयात बीगु सहमतियात परिमार्जन यानाः सुरक्षा सम्बन्धी छुं नं मन्त्रालय माओवादीयात बीमज्यूगु निर्णय याकीगु जूगु दु ।
