निगू दलया शीर्ष नेतातय् बैठक निष्कर्षविहीन
येँ (सन्ध्या टाइम्स)/माओवादी व एमालेया दथुइ जूगु न्हय्गू बुँया सहमतिइ जुयाच्वंगु विवाद व मन्त्रिपरिषद् विस्तारया विषयय् जूगु निगू दलया शीर्ष नेतातय् दथुइ थौं सुथय् जूगु सहलह विना निष्कर्ष क्वचाःगु दु ।
प्रधानमन्त्रीया ज्याकू सिंहदरबारय् जूगु सहलह लिपा माओवादीया महासचिव रामबहादुर थापा 'बादलं' वर्तमान राजनीतिक गतिरोध अन्त्य यायेगु खँय् जक सहलह केन्द्रीत जूगु जानकारी संचारकर्मितय्त बिउगु दु ।
अथे हे एमाले नेता केपी शर्मा ओलीं सहलह मुँज्याय् निगू दल दथुइ जूगु न्हय्गू बुँदाया सहमतियात परिमार्जन यायेमाःगु प्रस्ताव तयागु जानकारी बियादीगु दु। ओली थौं जूगु सहलह निष्कर्षविहीन जूसां थुकियात न्ह्याका हे तयेग नं धयादीगु दु ।
थौं जूगु सहलह मुँज्याय् माओवादीपाखें अध्यक्ष पुष्पकमल दाहाल 'प्रचण्ड', महासचिव बादल व एमालेपाखें अध्यक्ष लिसें प्रधानमन्त्री झलनाथ खनाल व नेता ओलीं ब्वति कयादीगु खः ।
