थौं अन्तर्राष्ट्रिय मातृभाषा दिवस
येँ (सन्ध्या टाइम्स)/अन्तर्राष्ट्रिय मातृभाषा दिवस विश्वया थीथी देशय् थें नेपालय् नं थौं थीथी ज्याझ्वः यासें हनाच्वंगु दु। थ्व झ्वलय् नेपाल प्रज्ञा प्रतिष्ठानं छगू ज्याझ्वः यासें मांभाय्या विषयय् छगू गोष्ठी यानाच्वंगु दु। गोष्ठीइ नेपालभाषा आन्दोलनया न्ह्यलुवा मल्ल के. सुन्दरं 'भाषिक सवाल: मानवअधिकारया मिखां' धइगु विषयक ज्यापौ न्ह्यब्वयादीगु ग्वसाः दुसा उकी प्रा. माणिकलाल श्रेष्ठ आदिपिंसं टिप्पणी यानादी। अथे हे थौं लिजः नेपालभाषा कविता दबू व नेपाःस्थित बंगलादेशी राजदूतावासया मंकाः ग्वसालय् दूतावासया हे ज्याकुथी मातृभाषा दिवस हनाच्वंगु दु ।
