दुर्घटना विरुद्ध चाबहिली प्रदर्शन

येँ (सन्ध्या टाइम्स)/पशुपति क्याम्पसय् ११ कक्षाय ब्वनीम्ह विद्यार्थी सिसकुमारी सुवेदी व धनबहादुर खड्कायात थौं सुथय् मित्रपार्कय् लः ल्ह्यइगु ट्यांकरं ठक्कर नकाः घाःपाः याना बिउगु विरुद्ध उगु क्याम्पसया विद्यार्थीतय्सं प्रदर्शन याःगु दु। बा. २ ख ७९४१ नम्बरया ट्यांकरं ठक्कर नकाः विद्यार्थीयात घाःपाः याना बीवं विद्यार्थीतय्सं प्रदर्शन यानाः उगु लागाय् यातायात अबरुद्ध याना बिउगु दुसा थ्व झ्वलय् प्रहरीलिसे ल्वापु नं जूगु खः ।