सहमति खारेज मजुइकं वार्ता जुइमुख: कोइराला
येँ (सन्ध्या टाइम्स)/सरकारया विपक्षय् च्वनेगु निर्णय याःगु नेपाली कांग्रेसं एनेकपा (माओवादी) व नेकपा (एमाले) दथुइ जूगु न्हय्गू बुँदाया सहमति खारेज मजूतले गुगु नं वार्ता व सहलह मयायेगु अडान काःगु दु। न्हय्गू बुँदाया सहमति न्हापांगु सहमति कथं राजनीतिक धोका जूगु ठहर यासें कांग्रेसं निगू दलया दथुइ जूगु सहमतियात खारेज मयाःतले सहलह मयायेगु अडान काःगु खः ।
नेपालगंजय् जूगु छगू कार्यकर्ता भेलायात संबोधन यासें सभापति सुशील कोइरालां कांग्रेस एनेकपा (माओवादी)या न्ह्यःने पुलिं चुयाः सरकारय् सहभागि मजुइगु नं स्पष्ट यानादीगु दु ।
