नेपाल-ओलीं माओवादीयात ह्ययेकाच्वन
येँ (सन्ध्या टाइम्स)/न्हय्गू बुँदाया सहमति परिमार्जन यायेमाःगु व गृह मन्त्रालय माओवादीयात मबीगु अडान कया वयाच्वंपिं एमालेया वरिष्ठ नेता माधव नेपाल व केपी ओली आः वयाः माओवादीया नेतातय्त ह्ययेकगु ज्याय् लगे जुयाच्वंगु दु ।
पार्टी अध्यक्ष लिसें प्रधानमन्त्री झलनाथ खनालं न्हय्गू बुँदाया सहमतियात कार्यान्वयन यायेगु अडान मत्वःतेवं नेपाल-ओली पक्ष माओवादी नेतातय्त ह्ययकेगु ज्याय् लगे जूगु खः। वंगु वाःया शुक्रवाः माओवादी अध्यक्ष प्रचण्ड व उपाध्यक्ष मोहन वैद्य 'किरण'यात नाप लाःगु नेपाल-ओली पुचलं मेम्ह उपाध्यक्ष डा. बाबुराम भट्टराईयात नं नाप लाःगु दु ।
