बुद्ध नेवाःया निगू सफू पिदन
येँ (सन्ध्या टाइम्स)/ भाजु बुद्ध नेवाःया निगू काव्य सफू 'चेतन गाजलं' (गजल) व 'मनया लसतां (म्ये मुना) विमोचन जुल। ईल्वहं प्रकाशनया लुखां पिदंगु उगु निगुलिं सफू नेपालभाषा परिषद्या नायः फणीन्द्ररत्न वज्राचार्यं विमोचन यानादीगु खः। सफू विमोचन यानादिसें भाजु वज्राचार्यं च्वमि नेवाःजुं वैंश वनेधुंकाः जक कलम न्ह्याकादीगु खःसां स्तरीय सफू पिकायेत ताःलाःगु दु धयादिल ।
च्वमि नेवाःजुं थम्हं २०६२ सालंनिसें च्वयेगु शुरु यानागु खँ कनादिल। ज्याझ्वलय् प्रा. नर्मदेश्वर प्रधान, डा. पुष्पराज राजकर्णिकार, शाक्य सुरेन, भगतदास श्रेष्ठपिंसं नं नुगःखँ प्वंकादीगु खः ।
ज्याझ्वः ईल्वहं प्रकाशनया प्रबन्ध निर्देशक नरेशवीर शाक्यया सभापतित्वय् जूगु खः ।
